ادخل وشوف اجمل وارع النكت هتموت من الضحك

اب بيقول لبنته انا مبسوط منك اوي فقالت ليه يا بابا قال علشان انتي كل يوم بتتكلمي في

التليفون بالساعه والساعتين معادا اليوم اتكلمتي نص ساعه بس

قعدة تضحك فقاليها بتضحكى على ايه قالت علشان النمره غلط


في مرة أغبياء عيزين يفجروا عمارة حطوا القنابل في الدور الأول و طلعوا

يستنوا فوق السطوح


مره واحد بيسال واحد معاك جنيه قاله بص

روح موقف الاتوبيسات هتلاقي 6اتوبيسات واقفين اركب اول اتوبيس هتنزل هتلاقي مترو اركب المترو انزل تالت محطه هتلاقي 4ميكروباصات اركب اول ميكروباص انزل هتلاقي 3شوارع ادخل في الشارع الاةل هتلاقي 8عمارات ادخل في العماره الرابعه هتلاقي 6ادوار اطلع الدور الخامس هتلاقي 4شقق ادخل الشقه الاولي هتلاقي 3اوض ادخل الاوضه التانيه هتلاقي دولاب فيه 4درف افتح الدرفه الاولي هتلاقي مصحف هاته علشان احلفلك اني معييش



واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له

في مطبعه... اقعد علي الورق علشان ما يطرش



واحد بلدياتنا اشتري راديو حط فيه حجرين المذيع اتسطل


مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية


فار محشش قال : كل القطط تحت جزمتى لقى وراه قط اسود قال الا ابو سمره حبيبى


واحد مسطول كل ما يجي يشنقوه ، الحبل ينقطع نظر للسجان وهو متغاظ وقال له احنا جايين ننشنق ولا جايين نلعب


مرة فار سكران على الاخر شافة قط جعان جرى وراة فعدت عربية بسرعة فرمت القط.. والفار اغم علية ولما فاق وشاف القط مفروم قال (يووة هو انا كل ما اسكر اعملى مصيبة)



مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى .



واحد أحول راح يجيب أبوه من المطار باس الشنطة وشال أبوه



سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك


بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها



بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!


واحد عصبي اتجوز واحده عصبيه, يوم الولاده... الولد بيقول للدكتور وسع إنت ..

إوعى إيدك ...أنا هأنزل لوحدي



اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب

ده في اد ايه ؟

التاني : الفهولك في سجارتين


> واحد صعيدي نزل محطة مصر لقى بتاع الأنابيب بيخبط عليها، قال له
> افتحلي واحدة ساقعة لو سمحت


> واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص
> القرود ياكلهم
> ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه
> بعد تلات أيام
> ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت
> مت ؟ قام الكتكوت وقال له : يخرب بيتك بوظت الكمين
>
اهداء من امزونى

جامدين موووووووووووووووووووووووووووووووت ..... مشكوره اوي يا جوجو .....

العفو ياابو صلااح نحن بالخدمة

دا المتوقع بعد المتابعات الجميله دي

ميرسى يا عثل المنتدى عثل والنبى عثل

"عثل" ...... الكلمه دي اتكررت كتير .... يعني لاحظنا ان الحرف دا معلق عندك في الكيبورد .... شويه شويه ونقول "ثكر"

اييييييييييييييون عثل وثكر واتريق اتريق عشان هفجرك

جامدين موووووووووووووووووووووووووووووووت ..... ربنا يديكي العافية يا جانا و يا رب تحققي كل احلامك